قازاقستان رەسپۋبليكاسى باس پروكۋراتۋراسىنىڭ بۇيرىعى  №56

2016 جىلعى 31 ناۋرىز, استانا قالاسى قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىنىڭ اقپاراتتىق جۇيەلەرى مەن ينتەرنەت-رەسۋرستارىنا قويىلاتىن  تالاپتاردى بەكىتۋ تۋرالى «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭى 5-1-بابىنىڭ 15) تارماقشاسىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىنىڭ (بۇدان ءارى – اكادەميا) اقپاراتتىق جۇيەلەرى مەن ينتەرنەت-رەسۋرستارىنا قويىلاتىن تالاپتارى بەكىتىلسىن. 2. اكادەميانىڭ رەكتورى ۇ.س.بايجانوۆ: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى; 3) وسى بۇيرىقتى قازاقستان رەسپۋبليكاسى ادىلەت مينيسترلىگىندە العان كۇننەن باستاپ بەس جۇمىس كۇنى ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ورنالاستىرۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى; 4) وسى بۇيرىقتى قازاقستان رەسپۋبليكاسى باس پروكۋراتۋراسىنىڭ ينتەرنەت-رەسۋرسىندا ورنالاستىرۋدى; 5) وسى بۇيرىقتىڭ كۇشىنە ەنگەن كۇننەن باستاپ, بەس جۇمىس كۇنى iشiندە اكادەميانىڭ جانە ونىڭ تۇلعالارىنىڭ قۇرىلىمدىق بولىمشەلەرىنىڭ انىقتاماسىن, جۇمىستاردى ۇيىمداستىرۋ بويىنشا جاۋاپتىلاردى (اكىمشىلىگىن), اقپاراتتىق تولتىرۋلاردى, اقپاراتتىق جۇيەلەرى مەن ينتەرنەت-رەسۋرستاردىڭ كونتەنتىنىڭ وزەكتىلىگى مەن انىقتىعىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى باس پروكۋرورىنىڭ ءبىرىنشى ورىنباسارى ي.د. مەركەلگە جۇكتەلسىن. 4. وسى بۇيرىق العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ باس پروكۋرورى ا.داۋىلباەۆ قازاقستان رەسپۋبليكاسى باس پروكۋرورىنىڭ 2016 جىلعى 31 ناۋرىزداعى №56 بۇيرىعىمەن بەكىتىلگەن قازاقستان رەسپۋبليكاسى باس پروكۋراتۋراسى جانىنداعى قۇقىق قورعاۋ ورگاندارى اكادەمياسىنىڭ اقپاراتتىق جۇيەلەرى مەن ينتەرنەت-رەسۋرستارىنا قويىلاتىن تالاپتار 1. جالپى ەرەجەلەر 1. وسى قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىننىڭ اقپاراتتىق جۇيەلەرى مەن ينتەرنەت-رەسۋرستارىنا قويىلاتىن تالاپتار (بۇدان ءارى – تالاپتار) «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭى 5-1 بابىنىڭ 15) تارماقشاسىنا سايكەس ازىرلەنگەن. 2. تالاپتار قازاقستان رەسپۋبليكاسى باس پروكۋراتۋراسى جانىنداعى قۇقىق قورعاۋ ورگاندارى اكادەمياسىنىڭ (بۇدان ءارى – اكادەميا) اقپاراتتىق جۇيەلەرى مەن ينتەرنەت-رەسۋرستارىنىڭ مازمۇنىن, قىزمەت ەتۋىن انىقتايدى. 3. اقپاراتتىق جۇيەلەرى مەن ينتەرنەت-رەسۋرستارى اكادەميانىڭ ءبىلىم بەرۋ قىزمەتىن ۇيىمداستىرۋ مەن باقىلاۋدىڭ تيىمدىلىگى ماقساتىندا, سونىمەن قاتار وقۋ, عىلىمي, تاربيەلىك پروتسەسىندە جانە يننوۆاتسيالىق قىزمەتتە اكادەميانىڭ جەتىستىكتەرىن تانىمال ەتۋ جانە تاجىريبەسىن تاراتۋ ماقساتىندا پايدالانادى. 4. وسى تالاپتاردا مىناداي نەگىزگى ۇعىمدار پايدالانىلادى: 1) اقپاراتتىق جۇيە – اقپاراتتىق ءوزارا ءىس-قيمىل ارقىلى بەلگىلى ءبىر تەحنولوگيالىق ارەكەتتەردى ىسكە اسىراتىن جانە ناقتى فۋنكتسيونالدىق مىندەتتەردى شەشۋگە ارنالعان اقپاراتتىق-كوممۋنيكاتسيالىق تەحنولوگيالاردىڭ, قىزمەت كورسەتۋشى پەرسونالدىڭ جانە تەحنيكالىق قۇجاتتامانىڭ ۇيىمداستىرىلىپ رەتكە كەلتىرىلگەن جيىنتىعى; 2) اقپاراتتىق جۇيەلەرى مەن ينتەرنەت-رەسۋرستارىن باسقارۋ - اقپاراتتىق جۇيە مەن ينتەرنەت-رەسۋرستىڭ قاۋىپسىزدىگى جانە جۇمىس قابىلەتىن قامتاماسىز ەتۋ; 3) ءبىلىم بەرۋ پورتالى-پايدالانۋشىلارعا ىشكى ءبىلىم بەرۋ رەسۋرستارىنا بىرىڭعاي اۆتورلاندىرىلعان دەربەستەندىرىلگەن قولجەتىمدىكتى قامتاماسىز ەتەتىن اقپاراتتىق جۇيە; 4) ديناميكالىق اقپارات – بۇل اقپارات ۋاقىتشا سيپاتتاماداعى اكادەميانىڭ اعىمداعى قىزمەتىن كورسەتەدى (پەرسپەكتيۆتى دامۋى, وزەكتى وقيعالار, باسىم باعىتتار); 5) ينتەرنەت-رەسۋرس – اپپاراتتىق-باعدارلامالىق كەشەندە كورسەتىلەتىن ءماتىن, گرافيكالىق, اۋديوۆيزۋالدى نەمەسە وزگە تۇردە بەينەلەيتىن ەلەكتروندى اقپاراتتىق رەسۋرس, بىرىڭعاي جەلىلىك مەكەنجايى بار جانە (نەمەسە) ينتەرنەتتە ىستەيتىن ەلەكتروندى اقپاراتتىق رەسۋرس; 6) كونتەنت – ەلەكتروندىق اقپاراتتىق رەسۋرستىڭ ماتىندىك, ماتىندىك ەمەس نەمەسە مەديا مازمۇنى; 7) قولدانۋشىلاردى انىقتاۋ – بۇل ەلەكتروندىق اقپاراتتىق رەسۋرستار مەن ارنايى باعدارلاما كومەگىمەن پايدالانۋشىنىڭ جەكە باسىن راستاۋىن جۇزەگە اسىرىلاتىن ءراسىم; 8) ستاتيكالىق اقپارات – بۇل اقپارات تۇراقتى سيپاتتاماسى بار (انىقتامالىق) اكادەميانىڭ ىشكى قىزمەتىن كورسەتەدى ء(نورماتيۆتى قۇقىقتىق اكتىلەر, اكادەميانىڭ قۇرىلىمى, ەرەجەسى); 9) ەلەكتروندىق قۇجات – ەلەكتروندى-تسيفرلىق نىساندا بەرiلگەن جانە ەلەكتروندىق تسيفرلىق قولتاڭبامەن كۋالاندىرىلعان اقپارات; 10) ەلەكتروندى-كىتاپحانالىق جۇيە – ءبىلىم بەرۋ پروتسەسىندە پايدالانىلاتىن, تاقىرىپتىق جانە ماقساتتى بەلگىلەرى بويىنشا بىرلەسكەن, قوسىمشا سەرۆيستەرمەن جابدىقتالعان, قۇجاتتاردى ىزدەۋ جانە ولارمەن جۇمىس ىستەۋدى جەڭىلدەتەتىن جانە وزگە دە نورماتيۆتىك قۇقىقتىق اكتىلەردىڭ بارلىق تالاپتارىنا سايكەس كەلەتىن ەلەكتروندى قۇجاتتار جيىنتىعى; 11) ەلەكتروندىق جۋرنال – اكادەميادا ءبىلىم الۋشىلاردىڭ ۇلگەرىمىن باقىلاۋدى قامتاماسىز ەتەتىن اقپاراتتىق جۇيە. 5. وسى تالاپتار ارەكتى قازاقستان رەسپۋبليكاسىنىڭ مەملەكەتتىك قۇپيالار مالىمەتتەرىن قامتيتىن ەلەكتروندىق قۇجاتتارعا قولدانىلمايدى. 6. اكادەميانىڭ اقپاراتتىق جۇيەلەرى مەن ينتەرنەت-رەسۋرستارىنىڭ (باسقارۋ) جۇمىستارىن كۇنى-ءتۇنى ۇيىمداستىرۋدى, تەحنيكالىق قولداۋدى اكادەميانىڭ ءتيىستى قۇرىلىمدىق بولىمشەلەرى قامتاماسىز ەتەدى. 7. اكادەميانىڭ اقپاراتتىق جۇيەلەرى مەن ينتەرنەت-رەسۋرستارىنا اقپاراتتىق تولتىرۋلاردى جانە ولاردى جانداندىرۋ اكادەميانىڭ ءتيىستى قۇرىلىمدىق بولىمشەلەرى جۇزەگە اسىرادى. 8. اكادەميانىڭ اقپاراتتىق جۇيەلەرى مەن ينتەرنەت-رەسۋرستارىن جانداندىرۋدىڭ مونيتورينگىن, تولتىرۋدى, كونتەنت ساپاسى مەن انىقتىلىعىن اكادەميانىڭ ۋاكىلەتتى تۇلعاسى جۇزەگە اسىرادى. 2. اقپاراتتىق جۇيەلەرگە قويىلاتىن تالاپتار 9. اكادەميا ءوز فۋنكتسيالارىن اۆتاماتتاندىرۋ ماقساتىندا اكادەميانىڭ وقۋ, عىلىمي جانە يننوۆاتسيالىق قىزمەتىنىڭ تاجىريبەسىن جانە جەتىستىكتەرىن كوپشىلىككە تاراتۋ, ولارعا جۇكتەلگەن فۋنكتسيالاردى ىسكە اسىرۋعا باعىتتالعان اقپاراتتىق جۇيەلەردى قۇرايدى جانە قولدانادى. 10. اكادەميانىڭ اقپاراتتىق جۇيەلەرى «اقپاراتتاندىرۋ تۋرالى 2015 جىلعى 24 قاڭتارداعى» قازاقستان رەسپۋبليكاسىنىڭ زاڭى 38 بابىنىڭ 2) تارماعىنا سايكەس قازاقستان رەسپۋبليكاسى اۋماعىنداعى قولدانىستاعى ستاندارتتار, اقپاراتتىق جۇيەنىڭ تسيكلدىق ومىرىنە سايكەس قۇرىلادى, داميدى جانە: 1) اقپاراتتىق-كوممۋنيكاتسيالىق تەحنولوگيالار سالاسىندا بىرىڭعاي تالاپتاردى جانە اقپاراتتىق قاۋىپسىزدىكتى قامتاماسىز ەتۋ; 2) مەملەكەتتىك تەحنيكالىق قىزمەتتىڭ اقپاراتتىق قاۋىپسىزدىگىن قامتاماسىز ەتۋدىڭ مونيتورينگ جۇيەسىمەن اكادە­ميانىڭ اقپاراتتىق جۇيەسىنىڭ اقپاراتتىق قاۋىپسىزدىگى ءىس-شاراسى مونيتورينگى جۇيەسىنىڭ اقپاراتتىق ءوزارا ارەكەتتەستىگى. 11. اكادەميانىڭ اقپاراتتىق جۇيەسىنە مىنالار كىرەدى: 1) ءبىلىم بەرۋ پورتالى; 2) ەلەكتروندى-كىتاپحانالىق جۇيە. 12. ءبىلىم بەرۋ پورتالىنا كىرەدى: 1) اكادەميالىق كۇنتىزبە; 2) ساباق كەستەسى; 3) ەلەكتروندىق جۋرنال. 13. ءبىلىم بەرۋ پورتالى ءبىلىم بەرۋ باعدارلامالارىن, وقۋ جۇمىس جوسپارلارىن, وقۋ-ادىستەمەلىك كەشەندەرىن, عىلىمي-ادىستەمەلىك قۇجاتتارىن, اكادەميالىق رەيتينگىن, ءبىلىم الۋشىلاردىڭ جانە ءبىلىم بەرۋ مونيتورينگىن قامتيدى. 14. اكادەميانىڭ ءبىلىم بەرۋ پورتالىنا تەك اۆتورلاندىرىلعان قولدانۋشىلاردىڭ: ءبىلىم الۋشىلاردىڭ, پروفەسسورلىق-وقىتۋشىلىق قۇرامنىڭ جانە اكىمشىلىك-باسقارۋ پەرسونالدىڭ ءبىلىم بەرۋ پورتالىنا قولجەتىمدىلىگى شەگىندە قولجەتىمدى. 15. اۆتورلاندىرىلعان قولدانۋشىلاردىڭ دەڭگەيىن اكادەميا دەربەس انىقتايدى. 16. ءبىلىم بەرۋ پورتالىندا قولدانۋشىلاردىڭ اۆتورلاندىرۋدى جانە اۋتەنتيفيكاتسيالاۋدى ءبىلىم بەرۋ پورتالىنا اقپاراتتىق جۇيەلەرگە اكىمشىلىك ەتۋدى جۇزەگە اسىراتىن اكادەميانىڭ ءتيىستى بولىمشەسىمەن ۆەريفيكاتسيا جولىمەن جۇزەگە اسىرىلادى. 17. ەلەكتروندىق جۋرنال ءبىلىم الۋشىلاردىڭ ۇلگەرىمىن اعىمداعى باقىلاۋ (ورتاشا باعالاۋ اعىمدىعىن, ارالىق باقىلاۋ مەن رەيتينگ-رۇقسات ەتۋ باعاسى), ارالىق جانە قورىتىندى اتتەستاتتاۋ باعالارى تۋرالى اقپاراتتى جانە ولاردىڭ ەلەكتروندىق ۆەدوموسىن قامتيدى. 18. ەلەكتروندىق جۋرنال جۋرنالدىڭ ءتيىستى بولىمدەرىنە قولجەتىمدىگى بار پروفەسسورلىق-وقىتۋشىلىق قۇرامىمەن نەمەسە ۋاكىلەتتى تۇلعانىڭ كەلىسىمىمەن تولتىرىلادى. 19. ەلەكتروندىق جۋرنالدىڭ جۇمىسىن باقىلاۋدى ەلەكتروندىق جۋرنالدى ۇلگىلەۋدى جۇزەگە اسىراتىن ءبىلىم ساپاسىن مونيتورينگىلەۋ جانە باقىلاۋ (باعالاۋ) ءبولىنىسى جۇزەگە اسىرادى. 20. اكادەميانىڭ ەلەكتروندى-كىتاپحانالىق جۇيەسى كىتاپحانالىق پروتسەستەردىڭ كەشەندى اۆتوماتتاندىرۋدى جانە ەلەكتروندىق كاتالوگتارىن, سونداي-اق تولىق ءماتىندى دەرەكتەر بازاسىن قۇرۋىن قامتاماسىز ەتەدى. 21. اكادەميانىڭ ەلەكتروندى-كىتاپحانالىق جۇيەسى مىناداي نەگىزگى مودۋلدەردى قامتيدى: 1) اكىمشىلىك ەتۋ; 2) جيناقتاۋ; 3) كاتالوگتاۋ; 4) وقىرمان ىزدەۋى; 5) ماقالالار كارتوتەكاسى; 6) پايدالانۋشىلار كارتوتەكاسى; 7) كىتاپ بەرۋ. 3. ينتەرنەت-رەسۋرستارعا قويىلاتىن تالاپتار 22. اكادەميانىڭ ينتەرنەت-رەسۋرستارى: 1) اكادەميانىڭ جانە ونىڭ قۇرىلىمدىق بولىمشەلەرى تۋرالى جالپى اقپاراتىن; 2) عىلىمي جانە حالىقارالىق قىزمەت تۋرالى ءبولىمىن; 3) ستاتيستيكالىق جانە اناليتيكالىق دەرەكتەرىن; 4) اكادەميا رەكتورىنىڭ بلوگىن; 5) مەملەكەتتىك ساتىپ الۋ تۋرالى اقپاراتتى; 6) ءبىلىم الۋشىلار مەن قىزمەتكەرلەردىڭ جەكە كابينەتىن; 7) كادرلارمەن قامتاماسىز ەتۋ ماسەلەسىن; 8) ءباسپاسوز-ورتالىعى جۇمىسىن; 9) وقىتۋ تۋرالى اقپاراتتى; 10) «قۇقىق قورعاۋ ورگاندارى اكادەمياسىنىڭ جارشىسى» جۋرنالىنىڭ ەلەكتروندىق نۇسقاسىن; 11) جاڭالىقتار لەنتاسىن; 12) عىلىمي كونفەرەنتسيالار, سەمينارلار مەن ترەنينگتەر, وقۋ-ادىستەمەلىك جيىندار, رەسمي ساپارلار مەن كەزدەسۋلەر كەستەسىن; 13) بايلانىس اقپاراتتارىن; 14) ءبىلىم جانە عىلىم سالاسىنداعى نورماتيۆتىك قۇقىقتىق اكتىلەرىن قامتيدى. 23. اكادەميادا وتكىزەتىن حالىقارالىق ءىس-شارالار, فورۋمدار, سەمينارلار, كونفەرەنتسيالار, جارىستار, وقۋ-ادىستەمەلىك جيىندار تۋرالى اقپارات جوسپارلانعان وتكىزۋ كۇنىنە دەيىن جارتىجىلدان كەشىكتىرىلمەي اكادەميانىڭ ينتەرنەت-رەسۋرستارىنا ورنالاستىرىلادى. شۇعىل جانە جوسپارلانباعان ءىس-شارالاردى وتكىزۋ بارىسىندا بەرىلگەن اقپاراتتى ورنالاستىرۋ اكادەميا باسشىلىعىنىڭ نۇسقاۋىمەن باستاماشىنى جانە مىندەتتى تۇردە سەبەپتەرىن كورسەتە وتىرا وتكىزۋ مەرزىمىن جوسپارلاعانعا دەيىن كۇنتىزبەلىك ون كۇن بۇرىن كەزەكتەن تىس ءىس-شارانى وتكىزۋگە بولادى. ەرەكشە جاعدايلاردا عانا اتالعان اقپاراتتى كەزەكتەن تىس ءىس-شارالاردى 10 كۇن بۇرىن جوسپارلانىپ وتىرعان كۇنىنە دەيىن ورنالاستىرۋعا بولادى جانە مىندەتتى تۇردە سەبەپتەرىن كورسەتۋ قاجەت. 24. اكادەميانىڭ ينتەرنەت-رەسۋرستارىندا ورنالاستىرىلاتىن ديناميكالىق اقپارات جاڭا اقپاراتتىڭ كەلىپ تۇسۋىنە قاراي كەزەڭ-كەزەڭىمەن جاڭارتىلىپ تۇرادى. 25. اكادەميانىڭ ينتەرنەت-رەسۋرستارىندا ورنالاستىرىلاتىن ستاتيكالىق اقپاراتتار توقسان سايىن جاڭارتىلىپ وتىرادى. 26. اكادەميانىڭ ينتەرنەت-رەسۋرستارىنا اقپاراتتاردى ورنالاستىرۋ مەن جاڭارتۋ ءتارتىبىن اكادەميا دەربەس انىقتايدى. 27. اكادەميانىڭ ينتەرنەت-رەسۋرستارىندا قازاقستان رەسپۋبليكاسىنىڭ مەملەكەتتىك سيمۆولدارى, سونداي-اق اكادەميانىڭ رەسمي سيمۆوليكاسى مەن لوگوتيپى ورنالاستىرىلادى. 28. ينتەرنەت-رەسۋرستار اكادەميانىڭ جارعىسىنا سايكەس ونىڭ قىزمەتىنە قاتىستى اقپاراتتى, مەنشىكتى اقپا­راتتىق رەسۋرستارعا, سونداي-اق قۇقىق يەلەنۋشىلەرمەن جاسالعان شارتتار مەن كەلىسىمدەر نەگىزىندە باسقا دا ۇيىم­داردىڭ رەسمي سايتتار مەن جوعارى وقۋ ورىندارىنىڭ ءبىلىم بەرۋ پورتالدارىنداعى رەسۋرستارعا سىلتەمەلەردى قامتيدى. ينتەرنەت-رەسۋرستاردا اكادەميا قىزمەتىنە جاتپايتىن وزگە دە مالىمەتتەردى ورنالاستىرۋعا جول بەرىلمەيدى. 29. ينتەرنەت-رەسۋرستاردا ورنالاستىرىلاتىن اقپارات مەملەكەتتىك جانە ورىس تىلدەرىندە ورنالاستىرىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 29 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13655 بولىپ ەنگىزىلدى.